Nigras quoque Peruanas affert Cieca secundo loco, quae Mel Hispanico compar ad Congii mensuram in cavae arboris delecto sibi alveario, elaborent, aptato orificii tubulo ex cera in lapideam duritiem aliis commixta:208confirmare videtur Ioannes Lerius, Muscisque nostratibus similes dicit Americanas in sua Brasilia Apes, quae Yra-Yetic, Indis favos dictos; scilicet Yra, Mel probatum, Yetic Ceram, Picis modo nigram obstructionibus Incolis prorsus addictam, conficiunt in exesis similiter arboribus.209
208. Sono le stesse ora menzionate dal Clusio. Cfr. Cronica del Gran Regno del Perù con la descrittione di tutte le provincie, costumi e riti [...] scritta da Pietro di Cieca di Lione in lingua spagnola. Tradotta nella italiana per Agostino di Cravaliz, op. cit., p. 52.
209. «Americanae inquit Lerius apes nostris dissimiles et exiguas illas muscas quae aestate, praesertim maturis uvis, nobis infestae sunt, potius referentes, suum mel et ceram conficiunt per silvas in arborum cavis, unde incolae utrumque probe eximere norunt. Favum, e quo mel nondum exemptum, yra-yetic appellant; yra enim illis mel est, yetic cera. Mel nostro more vescuntur, ceram vero quae fere instar picis nigra est in massa convolvunt brachiali crassitudine. Sed neque funalia, neque candelsa ex ea parant (noctu enim nullo alio lumine utuntur quam certi ligni fragmentis accensis, quae lucidam flammam praebent) at ingentium cannarum lignearum tubos (in quibus suas plumas, ne a certo papilionum genere ipsis aravers dicto, corrumpantur, adversant) ista praesertim obturant.», in Caroli Clusi Atrebatis Exoticorum liber decimus sive simplicium medicamentorum ex novo orbe delatorum, quorum in Medicina usu est, Historia hispanico sermone tribus libris descripta a D. Nicolao Monardo [...], op. cit., p. 306.
