Guancoiro, Americanorum Apes, nostratibus duplo maiores, ex fulvo nigrae, hirsutae, corpulentae, rudes, male pungentes a P. Bolivar nobis indigitantur, quae cereos favos in subterraneis receptaculis muliebris digitalis modo, discretos, dispersosque, veluti favulis constituant, clarum et medicamentis optimum mel, reliqua inter omnia indica primarium medico usu, reponant; sed acidum fluidumque, minus in cibis gratum: quibus certe cum conterraneis supradictis Tlalneuhtli convenire videantur.222
222. Cfr. Rerum Medicarum Novae Hispaniae Thesaurus seu plantarum animalium mineralium Mexicanorum historia ex Francisci Hernandez Novi Orbis medici primarii relationibus in ipsa Mexicana Urbe conscriptis a Nardo Antonio Recchio [...] collecta ac in ordinem digesta a Ioanne Terrentio Lynceo [...] notis illustrata [...], op. cit., p. 334.
